पोखरा ।
पोखरा महानगरपालिका वडा नम्बर ९ का गृहणीलाई व्यावसायिक बनाउन धुप बनाउने तालिम प्रदान गरिएको छ । वडाका ५ वटा टोल पार्वती, शिव, शुभकामना, गणतान्त्रिक र कृष्णटोलका ६५ जना गृहणी महिलालाई ५ दिने धुप बनाउने तालिम दिइएको थियो ।

तालिम समापनको अवसरमा कार्यक्रमका वडा सदस्य नन्दराम गिरीले सहभागीलाई प्रमाणपत्र दिँदै सिप सिकेर मात्रै नहुने बताएका थिए । उनले समूहमा लगानी गरी धुप बनाउने घरेलु उद्योग स्थापना गर्न सल्लाह दिँदै आफूले सहयोग गर्ने पनि बताएका थिए ।

प्रशिक्षक तीर्थ श्रेष्ठले व्यवसायमा लागेर कुनै सहयोग आवश्यक परे आफू सहयोग गर्र्न तत्पर रहेको बताएकी थिइन् । रुपा केसीले सहभागीको तर्फबाट मन्तव्य राख्दै तालिमले आफूहरुलाई व्यावसायिक बन्न उत्प्रेरणा दिएको बताएकी थिइन् ।

कार्यक्रममा वडा सदस्यहरु गीता नेपाली, लक्ष्मी पहारी, समाजसेवी उत्तम जोशी, टोल विकास संस्थाका अध्यक्षहरु, आमा समूहका अध्यक्षहरुले आफ्ना विचार व्यक्त गरेका थिए ।

पार्वती, शिव, शुभकामना, गणतान्त्रिक टोलका महिलालाई निशुल्क तालिम उपभोक्ता समूहकी अध्यक्ष लेखमाया थापाको अध्यक्षतामा भएको कार्यक्रमको सञ्चालन सचिव सरस्वती नेपालीले गरेकी थिइन् ।