पोखरा ।
पोखरा १५ मा अवस्थित संगम बचत तथा ऋण सहकारी संस्था लिमिटेडले रक्तदान तथा निःशुल्क स्वास्थ्य परीक्षण आयोजना गरेको छ । प्रादेशिक रक्त सञ्चार केन्द्र पोखराको प्राविधिक सहयोगमा भएको रक्तदानमा ३० युनिट रगत संकलन भएको छ ।

पोखरा १० स्थित ग्यालेक्सी हस्पिटलको सहकार्यमा ७१ जनाको निःशुल्क सुगर, प्रेसरको जाँचसहित अन्य स्वास्थ्य परीक्षण भएको छ । कार्यक्रममा वरिष्ठ बालरोग विशेषज्ञ सह प्राडा नम्रता केसी (थापा) ले रक्तदान वास्तवमा जीवन दान नै भएको बताइन् ।

बुद्धिमान थापाको अध्यक्षतामा भएको कार्यक्रममा लेखा सुपरीवेक्षण समिति संयोजक भोविन्द्र गिरी, सञ्चालक समिति सदस्य भूपेन्द्र गौचन, शिक्षा उपसमिति सदस्य सरस्वती अधिकारी, वरिष्ठ व्यवस्थापक बृहस्पति अधिकारी, सुपरभाइजर विकल्प कुँवर, शिक्षा उपसमिति सदस्य तुलबहादुर गुरूङ र तिलक थापाले बोलेका थिए ।