पोखरा ।
पोखरा लेडी जेसीजले जेसीजका सदस्यबीच बन्धुत्व भावना प्रगाढ बनाउन फागुपूर्णिमा विशेष कार्यक्रम गरेको छ । जेसीज वर्ष २०२३ को वार्षिक कार्यक्रम अन्तर्गत जेसीआइका सदस्यबीच प्रेम, सद्भाव र आदर भावले जीवनलाई रंगीन तथा आत्मीय सम्बन्ध विस्तार गर्न कार्यक्रम गरिएको जेसीज वर्ष २०२३का दिगो विकास लक्ष्य (एसडीजी) कोअर्डिनेटर इन्द्रेणी चालिसेले जानकारी दिइन् ।

पोखरा लेडी जेसीजका निवर्तमान अध्यक्ष तथा नेपाल जेसीज वर्ष २०२३का एरिया बीका थिम डाइरेक्टर लक्ष्मी अधिकारीले होलीको सगुन तथा पुष्पगुच्छा दिएर उद्घाटन गरेको कार्यक्रममा जेसीज वर्ष २०२३ का अध्यक्ष लक्ष्मी कुँवर थापा, सहसचिव चन्द्रा भुजेल, सम्झना थापा लगायतले फागु पर्वको महत्वबारे बोलेका थिए ।