पोखरा ।
सांग्रिला डेभलपमेन्ट बैंकका प्रमुख कार्यकारी अधिकृत सुयोग श्रेष्ठ डेभलपमेन्ट बैंकर्स एसोसिएसन नेपालको अध्यक्ष चयन भएका छन् । एसोसिएसनको अध्यक्षमा श्रेष्ठ सर्वसम्मत रुपमा चयान भएका हुन् । वर्तमान अध्यक्ष मुक्तिनाथ विकास बैंकका प्रमुख कार्यकारी अधिकृत प्रद्युमन पोखरेलको कार्यकाल सकिएसँगै अधिवेशन भएको थियो ।

एसोसिएसनको चितवनमा सम्पन्न १७ औं वार्षिक साधारण सभाले उपाध्यक्षमा महालक्ष्मी विकास बैंकका प्रमुख कर्याकारी अधिकृत बोधराज देवकोटा, सचिवमा सिन्धु विकास बैंकका प्रमुख कार्यकारी अधिकृत रामकुमार गिरी र कोषाध्यक्ष लुम्बिनी विकास बैंकका प्रमुख कार्यकारी अधिकृत नरेशसिंह बोहरालाई चयन गरेको छ ।

एसोसिएसनको कार्यकारी सदस्यमा साइन रेसुंगा डेभलपमेन्ट बैंकका प्रमुख कार्यकारी अधिकृत प्रकाश पौडेल, ज्योति विकास बैंकको प्रमुख कार्यकारी अधिकृत श्रीचन्द्र भट्ट र एक्सेल डेभलपमेन्ट बैंकका प्रमुख कार्यकारी अधिकृत, डा. इन्द्र कट्टेल सर्वसम्मत चयन भएका छन् ।