पोखरा ।
वात्स्यायन वृद्धाश्रम पोखरा १४ को छैटौं साधारण सभा तथा चौथौं अधिवेशनले ललित बानियाँको नेतृत्वमा नयाँ कार्यसमिति चुनेको छ । उपाध्यक्षमा थमनबहादुर कार्की, सचिव रामजी केसी खत्री, उपसचिव सबिना अधिकारी क्षेत्री र कोषाध्यक्ष नरेन्द्र कुँवर छन् ।

कार्यसमिति सदस्यमा कीर्तिबहादुर खत्री, जगन्नाथ तिमिल्सिना, रामचन्द्र खत्री, राधिका लम्साल, बालाराम बराल र मिठु कार्की चयन भएका छन् । कार्यक्रममा गण्डकी प्रदेशका पूर्व भौतिक पूर्वाधार मन्त्री कुमार खड्काले वृद्धाश्रमलाई अझ व्यवस्थित बनाउँदै लैजानुपर्ने बताए ।

पोखरा १४ का वडाध्यक्ष बोधबहादुर कार्कीको अध्यक्षतामा भएको कार्यक्रममा जगन्नाथ तिमिल्सिना, ईन्द्रमाया बानियाँ, कमलनयन गौतम, तारा पाखे लगायतले बोलेका थिए ।