पोखरा ।
पोखरा १९ लामाचौरमा अस्थित एल एन्जल सार्वजनिक शैक्षिक गुठीको आइतबार भएको १६ औं साधारण सभा तथा चौथो अधिवेशनले ऋषिराम सापकोटाको अध्यक्षतामा नयाँ समिति चुनेको छ ।

९ सदस्यीय सञ्चालक समितिमा संस्थाको विनियम अनुसार २ सदस्य समिति बाट मनोनित हुने र पदेन सदस्य सचिव नीलकण्ठ आचार्य रहने व्यवस्था छ ।

सदस्यमा विष्णु पौडेल, कोमलप्रसाद बास्तोला, बाबुराम गौतम, रविलाल सुनार र सुवास खनाल । उपाध्यक्ष र कोषाध्यक्ष समितिका सदस्यबाट सञ्चालक समितिको बैठकले चयन गर्ने छ ।

पोखरा १९ का निवर्तमान अध्यक्ष शोभामोहन पौडेल संयोजक र लालबहादुर भुजेल ज्योति पौडेल सदस्य रहेको निर्वाचन मण्डलले नयाँ समिति चयनका लागि सहजीकरण गरेको थियो ।

सञ्चालक समिति अध्यक्ष ऋषिराम सापकोटाको अध्यक्षतामा भएको कार्यक्रममा मदनबहादुर केसी, पोखरा १९ का वडाध्यक्ष पुष्पेन्द्र पाण्डे लगायतले बोलेका थिए ।