जोमसोम—राष्ट्रिय गौरवको ७६ किमी बेनी—जोमसोम सडकखण्ड आईतबार बिहानैदेखि अवरुद्ध भएको छ ।गएराती परेको अविरल वर्षाका कारण राष्ट्रिय राजमार्गको म्याग्दी खण्डमा ठाउँ ठाउँमा पहिरो जाँदा सडक अवरुद्ध बनेको बेनी—जोमसोम सडकका सुपरभाईजर ईन्द्रसिंह शेरचनले जानकारी दिए ।
यसवर्ष बर्खायाम सुरु नहुँदै मनसुन सुरु भएको छ । अविरल वर्षाले म्याग्दीको अन्न्पूर्ण गाउँपालिका—३ स्थित गोईठे देखि जलथले खोलासम्मको सडक पहिरोले अवरुद्ध बनेको सडक सुपरभाईजर शेरचनले बताए ।‘गएरातीको पहिरोले ठाउँ ठाउँमा सडक संरचनामा क्षति पुगेको छ, सडक ३ स्थानमा केही बढी क्षति देखिएको छ ,सुपरभाईजर शेरचनले भने,‘ सडक खुलाउने तयारी भईरहेको छ, संम्भवत साँझ सम्ममा सडक सूचारु हुन्छ होला ।’ उनले म्याग्दीको अन्नपूर्ण गापा—३ र २ मा पर्ने राजमार्ग सडक पहिरोले अवरुद्ध भएको जनाए । उनका अनुसार म्याग्दीको अन्नपूर्ण —२ भुरुङ तातोपानी नजिक १५ मिटर लामो कल्र्भट पुल बाढी ÷पहिरोले भाँसिएको उल्लेख गरे ।
यसैगरी नेपालगञ्जदेखि मुक्तिनाथ दर्शन गर्न आएको तिर्थालु सवार गाडी संम्भावित विपद्बाट जोगिएको सुपरभाईजर शेरचनले बताए । उनले मुस्ताङबाट म्याग्दीतर्फ फर्किदै गरेको तिर्थालु सवार फोर्स जीप संभ्भावित दुर्घटनाबाट जोगिएको जनाए ।
गएरातीको वर्षाले बेनी—जोमसोम सडक अवरुद्ध भएसंगै मुस्ताङबाट पोखरा—काठमान्डौ जाँदै गरेका र पोखराबाट मुस्ताङ जाँदै गरेका यात्रुवाहक सवारी साधनहरु गन्तब्यमा पुग्न सकेका छैनन् ।