पोखरा ।
देशमा राजतन्त्र फालेर संवैधानिक गणतन्त्र स्थापन गरेको डेढ दशक बितिसक्यो । तर, गणतन्त्र प्राप्तिका लागि छातीमा गोली थापेर आन्दोलनको अग्र मोर्चामा खटिएका जनआन्दोलनकर्मी भने अझै न्याय प्राप्तिका लागि लड्नुपर्ने बाध्यता छ ।

१६ औँ गणतन्त्र दिवसको अवसरमा देशभर खुसीयाली मनाइरहँदा पोखरामा भने कालोपट्टी बाँधेर प्रदेश सभा अगाडि प्रदर्शन गरिएको छ । २०६२/६३ को जनआन्दोलने देशमा व्यापक परिवर्तन ल्यायो । शाहवंशीय राजपरिवालाई दरबार छोड्न बाध्य पार्ने जनआन्दोलनमा कैयौँको त्याग र बलिदानी छ ।

नेपालको शासन व्यवस्थामा नै परिवर्तन ल्याएको २०६२/६३ को जनआन्दोलनमा परिवर्तनको अग्रमोर्चामा उभिनेहरूमाथि नै अन्याय भएको भन्दै गणतन्त्र दिवसमा कालो पट्टी बाँधेर प्रदेश सभा भवन अघि प्रदर्शन भएको छ । जनआन्दोलन शहिद परिवार तथा घाइते समन्वय समिति कास्कीले जनआन्दोलन प्राप्तिका लागि जसले योगदान गरे उनीहरूलाई नै बेवास्ता गरेको भन्दै विरोध प्रदर्शन गरेको हो ।

जनताको बलिदानीले प्राप्त गणतन्त्रमा हत्याहिंशामा उत्रिनेलाई आम माफी दिने काम भएको भन्दै विरोध प्रदर्शनमा उत्रिएको उनीहरूको भनाइ छ । गणतन्त्रमा जनतालाई भर्‍याङ बनाएर गुण्डाको संरक्षण गर्ने भइरहेको उनीहरूको गुनासो छ । देशमा राजसंस्था फालेर गणतन्त्र स्थापन गर्न ज्यानको बलिदानी दिएका शहिल र घाईतेको अपमान भएको उनीहरूको भनाइ छ ।

सरकारले जनआन्दोलनका घाईते र परिवारप्रति उदासीन रहेकाले धर्नामा उत्रिनुपरेको उनीहरूको भनाइ छ ।

दण्डहिनताको अन्त्य गरेर हुनुपर्ने उनीहरूले माग राखेका छन् ।

देशमा राजतन्त्र अन्त्य गरेर स्थापना भएको गणतन्त्र दिवसको दिन उत्सव मनाउने ठाउँमा दुख मनाउनुपरेको विरोधमा उत्रिनेहरूको भनाइ छ । शान्ती सुव्यवस्था कायम नहुञ्जेल हामी खबरदारी गर्न लागिरहने उनीहरूले बताएका छन् ।