पोखरा
गण्डकी प्रदेश सरकारले ल्याएको आगामी आर्थिक वर्षको नीति तथा कार्यक्रमलाई राष्ट्रिय प्रजातन्त्र पार्टी (राप्रपा)ले जनतालाई भुलाउने काम भएको बताएका छन् ।

गण्डकी राप्रपा संसदीय दलको नेता तथा पूर्व मन्त्री पञ्चराम गुरुङले सरकारले ल्याएको नीति तथा कार्यक्रम स्रोत तथा साधनलाई ख्याल नगरी जनता भुलाउने काम भएको प्रतिक्रिया दिएका छन् ।

‘ल्याएका कुराहरु नराम्रा छैनन्, राम्रै छन्, अब अलिकति बढी महत्वकाक्षी देखिन्छ किनभने स्रोत र साधनको विषयमा खासै उल्लेख गरिएको छैन । जनताका मन छुने, आवश्यकताकै योजना छन् । तर, पनि स्रोत र साधनको उपलब्ध कसरी गर्न सकिन्छ भन्ने विषयमा खासै देखिदैन । यो जनतालाई भुलाउने बाटो त होइन कतै भन्ने प्रश्न उठेको छ,’ उनले भने ।

गण्डकी प्रदेशका प्रदेश प्रमुख पृथ्वीमान गुरुङले आइतबार आगामी आर्थिक वर्षको नीति तथा कार्यक्रम प्रदेश सभामा प्रस्तुत गरेको थिए ।