पोखरा ।
पोखरा १० बुद्धचोकस्थित सोसल पब्लिक स्कुलद्वारा आयोजित प्रथम एसइई फुटसल प्रतियोगिता भएको छ । २०७९ सालको एसइई दिएर बसेका विद्यार्थीहरुलाई लक्ष्य गरी आयोजित प्रतियोगिताको उपाधि आयोजकले नै जितेको छ । सोमबार पोखरामा भएको फाइनल खेलमा प्रतियोगिताको आयोजक सोसल पब्लिकले वेलनन एकेडेमी सम्मिलित टिमलाई ४–० गोलले पराजित गर्दै उपाधि जितेको हो ।

उपाधिसँगै सोसल पल्लिकले नगद २० हजारका साथमा ट्रफी, मेडल र प्रमाणपत्र तथा उपविजेता वेलननले नगद १० हजारका साथमा ट्रफी, मेडल र प्रमाणपत्र हात पार्न सफल भयो । प्रतियोगितामा विजेता खेलाडी तथा टिमलाई प्रदेश खेलकुद परिषदका उपाध्यक्ष धोजकुमार गुरुङ, विद्यालयका संस्थापक प्रबन्ध निर्देशक खिम गुरुङ, विद्यालयका प्रिन्सिपल सिद्धार्थ शर्मालगायतले नगद, सिल्ड, मेडल तथा प्रमाणपत्र वितरण गरेका थिए । सोसल पब्लिकमा बाल कक्षा देखि १२ कक्षासम्म अध्ययन अध्यापन हुँदै आएको छ । सो विद्यालयमा कक्षा ११–१२ अन्तर्गत होटल म्यानेजमेन्ट र कम्प्युटर साइन्स विषयमा अध्ययन अध्यापन हँदै आएको विद्यालयका संस्थापक प्रवन्ध निर्देशक गुरुङले जानकारी दिए ।