पोखरा ।
सामुदायिक विकास केन्द्र नेपालको अध्यक्षमा शिवराज अधिकारी सर्वसम्मत भएका छन् । विकास केन्द्रको शनिबार पोखरामा भएको ११ औं वार्षिकोत्सव तथा अधिवेशनबाट अधिकारी चुनिएका हुन् ।

उपाध्यक्षमा गायत्री फुयाल, सचिव निर्मला कार्की र कोषाध्यक्षमा लीलावल्लभ पोख्रेल निर्वाचित भएको निर्वाचन मण्डलका सदस्य शिवराज भण्डारीले बताए । विकास केन्द्रका २ सदस्यमा केदार धमला र गोकर्ण तिवारी छन् ।

कार्यक्रममा गण्डकी प्रदेश सभा सदस्य सरस्वती गुरुङले २१ औं शताब्दीमा कुनै पनि नागरिक अभावमा मर्नु नहुने बताईन् । नेतृ गुरुङले विकास केन्द्रको अवधरणा अति नै सकारात्मक भएको टिप्पणी गर्दै देशभर यस्तो योजनाअघि सार्नु पर्ने बताइन् । केन्द्रका अध्यक्ष शिवराज अधिकारीको अध्यक्षतामा भएको कार्यक्रममा सचिव गायत्री फुयाल, समाजसेवी रामप्रसाद अधिकारी, विष्णु कार्की, सुरेन्द्र श्रेष्ठ लगायतले बोलेका थिए ।

भेलामा भावी कार्यदिशा, योजना तथा अनुगमनको विषयमा छलफल भएको थियो । विकास केन्द्रले समाजमा हुने विभेद अन्त्य गर्ने, राजनीतिभन्दा माथि उठेर सेवा भावले कार्य गर्ने जनाएको छ ।