पोखरा ।
नेपाल खेलकुद पत्रकार मञ्च गण्डकीले आयोजना गर्ने आठौं संस्करणको पोखरा स्पोटर्स अवार्डको तयारी सुरु भएको छ । सोमबार विभिन्न संस्थासँग छलफल गरिएको मञ्चका महासचिव राजाराम पौडेलले बताए ।

सहभागीले मञ्च गण्डकीले आयोजना गर्ने पोखरा स्पोर्ट्स अवार्डको लोकप्रियता बढ्दै गएको बताएका थिए । तमु समाज युके आमा समूह अध्यक्ष उमा गुरुङले आठौं संस्करणको पोखरा स्पोर्ट्स अवार्डका लागि व्यक्तिगत तर्फबाट १० हजार मञ्चका अध्यक्ष दीननाथ बराललाई हस्तान्तरण गरिन् । सहारा क्लब पोखराकी संस्थापक कोषाध्यक्षसमेत रहेकी उनले अवार्ड कार्यक्रमका लागि आगामी दिनमा थप सहयोग गर्ने प्रतिवद्धतासमेत जनाइन् ।

कार्यक्रममा सहारा क्लबका नवनिर्वाचित अध्यक्ष केशवराज बराललाई बधाई ज्ञापन गरिएको छ । अध्यक्ष केशवराजले आफ्नो कार्यकालमा मञ्च गण्डकीसँगको सहकार्यलाई निरन्तरता दिइने जनाए । मञ्च गण्डकीले यही असोज ६ गते पोखरामा आयोजना गर्ने साधारण सभा र विधान अधिवेशनको तयारीसमेत गरेको अध्यक्ष दीननाथ बरालले जनाए ।