पोखरा ।

एमाले नेता टीकाराम पँगेनीले आसन्न एमाले गण्डकी प्रदेश अधिवेशनमा पदाधिकारीको आकांक्षा व्यक्त गरेका छन् । कास्कीको साविक रुपाकोट गाविसका पूर्व अध्यक्ष पँगेनीले लामो समयदेखि पार्टीमा गरेको योगदानको आधारमा आफू पदाधिकारीको आकांक्षी रहेको बताएका छन् ।

४६ सालको आन्दोलन सफल पार्ने पुस्ताको हुनुका कारणदेखि ६२/६३ सालको दोस्रो जनआन्दोलनमा सक्रियतासँग जनप्रतिनिधि भएर जनताको सेवा गरेको लगायत कारण आफू प्रदेश पदाधिकारीका लागि योग्य रहेको उनले बताए । ‘पार्टीलाई वैचारिक हिसाबले बचाउनुपर्छ भनेर लाग्दै आएको छु, उनले भने, ‘पार्टीका तर्फबाट जनप्रतिनिध भएर जनताको सेवा गरिसकेको छु ।’