पोखरा ।
पोखरा २४ कास्कीकोटमा प्रथम सेभेन ए साइड कश्यप कालिका कप २०८० हुने भएको छ । कश्यप कालिका युवा क्लबको आयोजनामा आगामी कात्तिक १ र २ गते हुने प्रतियोगितामा पोखरा वडा नं. २४, १८ र २३ का मात्र खेलाडी सहभागी हुन पाउने छन् ।

संस्थाका अध्यक्ष तीर्थ अधिकारीले सेभेन ए साइड फुटबल र खुला दौड प्रतियोगिताबाहेक मुख्य आकर्षणको रुपमा प्रथम कश्यप कालिका भेन्ट्रान्स कप हुने जानकारी दिए । फुटबल तर्फका विजेताले ५५ हजार ५ सय ५५ का साथमा ट्रफी मेडल र प्रमाण पत्र प्राप्त गर्ने कार्यक्रम संयोजक अंकित कार्कीले बताए । उपविजेताले ३३ हजार ३ सय ३३
रुपैयाँ पाउने छन् ।

दौडतर्फ प्रथम हुने खेलाडीले नगद ३ हजारका साथमा मेडल र प्रमाण पत्र प्राप्त गर्ने क्लबका सचिव धनबहादुर अधिकारीले जानकारी दिए । दौडतर्फ द्वितीय र तृतीय हुने खेलाडीले क्रमशः मेडल र प्रमाण पत्रका साथमा २ हजार र १ हजार प्राप्त गर्ने छन् ।