पोखरा ।
केही दिनयता परिरहेको झरीले विश्राम लिने जल तथा मौसम विज्ञान विभागले जनाएको छ । यो साता देशका सबैजसो भागमा लगातार पानी परिरहेको थियो । सुदूरपश्चिम र कर्णाली प्रदेशबाट मनसुन बाहिरिन सुरु गरेको विभागले जनाएको छ ।

शुक्रबार सुदूरपश्चिम र कर्णाली प्रदेशबाट मनसुन बाहिरिएको छ । देशका अन्य भूभागबाट पनि केही दिनमा मनसुन बाहिरिने विभागको आकलन छ । अहिले कोशी, मधेश, बागमती, गण्डकी र लुम्बिनी प्रदेशमा मनसुन सक्रिय छ ।

प्रायः नेपालबाट अक्टुबर २ मा मनसुन बाहिरिने गरेको छ । यस वर्ष केही दिन ढिलो गरी अक्टुबर ६ बाट बाहिरिन सुरु गरेको छ । यो वर्ष मनसुनको आगमन पनि ढिलो भएको थियो । नेपालमा मनसुन भित्रिने सरदर मिति १३ जुन हो । यस वर्षको मनसुन सरदर मितिभन्दा एक दिन ढिलो असार ३१ मा नेपालमा प्रवेश गरेको थियो ।

यसपटक पछाडि सरेकाले दसैं हिले हुनबाट त जोगिएको छ तर किसानलाई भने झरीले सतायो । अहिले परेको पानीले पाकेको धानलाई असर गर्ने देखिएको छ ।