पाेखरा ।

नेपाली कांग्रेस गण्डकी प्रदेश संसदीय दलले भुकम्पपिडितलाई १५ दिनको पारश्रमिक पठाउने निर्णय गरेको । मंगलबार बसेको कांग्रेस संसदीय दलको बैठकले नेपाली कांग्रेस केन्द्रिय राहत कोष मार्फत भूकम्पपिडित राहत कोषमा जम्मा हुने गरी पठाउने निर्णय गरेको विज्ञप्ति मार्फत जानकारी दिइएको छ ।

‘१७ गते राति जाजरकोट केन्द्रबिन्दु भएर गएको विनासकारी भूकम्पबाट भएको जनधनको क्षति प्रति नेपाली कांग्रेस गण्डकी प्रदेश संसदीय दल गहिरो दुःख व्यक्त गर्दछ । भूकम्पमा परि मृत्युवरण गर्नुभएकाहरु प्रति भावपूर्ण श्रद्धाञ्जली अर्पण गर्दै घाइतेहरुको शिघ्र स्वास्थ्य लाभको कामना गर्दछौँ । साथै भूकम्प प्रभावितहरुलाई उचित राहत र व्यवस्थापनको लागि सरकारसँग अनुरोध गर्दछौँ ।’ विज्ञप्तिमा उल्लेख छ ।