पाेखरा ।

लामो समयदेखि सार्बजनिक यातायात व्यवसायमा सकृय पोखराको जगदम्बा ट्राभल्सले पाेखरा–काठमाडाैं–पोखरा रुटमा सुपर भिआइपी एअर बस सेवा मंगलबारदेखि सञ्चालनमा ल्याएकाे छ । याे बस अहिलेसम्म याे रुटमा चल्ने बसहरु मध्येकाे सबै भन्दा सुविधा सम्पन्न बस सेवा हाे ।

समयको माग र यात्रुहरुकाे चाहना अनुसारकाे गुणस्तरीय सेवा बिस्तार गर्दै आएको जगदम्वा ट्राभल्सले यात्रुहरुकाे आरामदायी यात्राका लागि पाेखरा–काठमाडाैंकाे रुटमा नयाँ बस थपेको छ । घरमा सुतेर जाने समयमा आराम पूर्वक यात्रुहरु निदाएरै गन्तब्यमा पुग्न सकुन् भनेर सुपर भिआइपी एअर बस सेवा सुरु गरेकाे जगदम्बा ट्राभलका अध्यक्ष केशवप्रसाद अधिकारीले बताए ।

हरेक दिन राती नाै बजे पाेखरा र काठमाडाैंबाट छुट्ने यी बसमा लग्जरीयस शोफा सीट , ट्वाइलेट, बाथरुमको सुबिधा छ । जाडोको समयलाई ध्यानमा राखेर प्रत्येक सिटका लागि छुट्टा छुट्टै सफा बल्याकेंट ओढ्न पाइने याे बसमा यात्रा गर्दा यात्रुले खाजासहित चिया, कफी पिउन पाउने अध्यक्ष अधिकारीले बताए । प्रत्येक सिटमा माेवाइल चार्जर भएको याे बसमा यात्रा गर्ने यात्रुले आफ्नो आवश्यकता अनुसार बसेकै सिटबाट AC चलाउन पाउनेछ ।

सामान्यतया ४५ सिट क्षमता भएको यात्रु बसकाे बडी प्रयाेग गरेर यात्रुहरुकाे सुविधाका लागि जम्मा २८ सिट कायम गरिएकाे अधिकारीले बताए । पाेखराको प्रस्याङ र काठमाडाैंको बालाजुबाट हरेक दिन छुट्ने यो बसमा यात्रा गर्ने यात्रुले २ हजार रुपैया भाडा तिर्नु पर्नेछ ।