पोखरा ।
एट टु नाइन एफसी पोखराले अन्डर १५ फुटबल खेलकी उदयीमान राष्ट्रिय खेलाडी एशोदा बोहरालाई बुधबार १ लाखसहयोग गरेको छ । क्लबले सेभेन ए साइड फुटबल प्रतियोगिता गरी बचत भएको उक्त रकम गण्डकी प्रदेश सामाजिक विकास तथा स्वास्थ्य मन्त्री सुशीला सिम्खडाले घाइते खेलाडी एशोदाका काका जितेन्द्रबहादुरलाई पोखरामा हस्तान्तरण गरेकी हुन् ।

मन्त्री सिम्खडाले दुख परेका बेलामा आवश्यक सहयोग गर्नु नै मानव सेवा भएको बताइन् । पोखरामा बन्द प्रशिक्षणमा रहेको बेला बोहरालाई स्पाइनल कर्डको समस्या भएको थियो । क्लबले असोज १७ देखि २२ गतेसम्म सेभेन ए साइड फुटबल प्रतियोगिता गरी बचत रहेको रकम सहयोग गरेको क्लबका उपाध्यक्ष धनराज तामाङले सुनाए ।