काठमाडौं ।
नेपाल टेलिकमका सेवाग्राहीले परीक्षणका रुपमा १ महिनासम्म निःशुल्क डाटा सुविधा प्रयोग गर्न पाउने भएका छन् । नेपाल टेलिकमले सोमबारदेखि लागू हुने गरी सेवाग्राहीलाई एक महिनासम्म निःशुल्क ५० एमपिबिएस स्पिडको डाटा दिने भएको हो ।

नेपाल टेलिकमले एनटी फाइबर प्रविधि अन्तर्गत टेलिफोन सेवामात्र प्रयोग गरिरहेका सेवाग्राहीलाई प्रोमोसनल अफरका रुपमा महिना दिनसम्म यो सुविधा दिएको हो । यो सेवा प्रयोग गर्नका लागि १९८ मा डायल गरी प्राप्त सन्देश अनुसार फेरि १ डायल गर्न पर्ने कम्पनीले जनाएको छ ।

नजिकको दूरसञ्चार कार्यालयमार्फत पनि यो सुविधा लिन सकिन्छ । एक जना ग्राहकका लागि यो सुविधा एक पटकमात्र उपलब्ध हुनेछ । एक महिनाभन्दा बढी समय सम्म यो सेवा निरन्तर प्रयोग गर्ने इच्छा भएमा सेवाग्राहीले पुनः १९८ डायल गरेर १ थिच्नुपर्ने कम्पनीले जनाएको छ ।