लेखनाथ ।

पोखरा महानगरपालिका वडा नं. ३० पावरहाउसमा रहेको सूर्यमुखी तमु समाजको आयोजनामा ३ दिने अन्तर समूह शेर कप बास्केट बल प्रतियोगिता शनिबारदेखि सुरु भएको छ ।

समाजका संस्थापक अध्यक्ष शेरबहादुर गुरुङले सुरु गरेको यो प्रतियोगिताको समाजले विगतमा ल्होसार वर्षको अवसरमा गर्दै आएको थियो । प्रतियोगिता तमु प्लेल्यु संघका अध्यक्ष कृष्णबहादुर गुरुङले उद्घाटन गरेका छन् ।

३ दिनसम्म चल्ने प्रतियोगितामा महिला समूहबाट ५ र पुरुषबाट पाँच गरी १० समूहको सहभागिता छ । दुवै प्रतियोगिताका प्रथम, द्वितीय, तृतीय र सान्त्वनालाई पुरस्कारको व्यवस्था गरिएको छ ।