पोखरा ।
नेसनल प्याब्सन कास्कीले आफ्नो स्थापना दिवसको अवसरमा विभिन्न क्षेत्रमा योगदान पुर्‍याएका व्यक्तित्वलाई सम्मान गर्ने भएको छ । एनप्याब्सन कास्कीको मंगलबार बसेको बैठकले साहित्यिक क्षेत्रमा योगदान पुर्‍याएका सरुभक्त र शिक्षा क्षेत्रमा योगदान पुर्‍याएका जर्ज जोनलाई सम्मान गर्ने निर्णय गरेको अध्यक्ष हेमन्त अधिकारीले जानकारी दिए ।

उनीहरुलाई यही पुस २७ गते २५ औं स्थापना दिवसको अवसरमा शिक्षा सेवा सम्मान २०८० बाट सम्मान गरिने एनप्याबसनका उपाध्यक्ष तथा कार्यक्रम संयोजक मनकाजी गुरुङले जानकारी दिए ।

स्थापना दिवसकै अवसरमा २०७९ मा एसइई र एसएलसीमा एनप्याब्सनमा आवद्ध विद्यालयबाट उत्कृष्ट अंक ल्याउने छात्र र छात्रलाई पुरस्कृत गरिने भएको छ । सामाजिक उत्तरदायित्व अन्तर्गत हरेक वर्ष महत्वपूर्ण स्थानमा सहयोग गर्दै आएको एनप्याब्सन कास्कीले यस वर्ष पोखरा १ वगरमा रहेको संस्कृति माविमा १ लाखको अक्षयकोष खडा गर्ने भएको छ ।

त्यस अवसरमा एनप्याब्सनका पूर्व अध्यक्षहरुलाई सम्मान गर्ने कार्यक्रमसमेत तय छ ।