पोखरा ।
गणपति लघुवित्त वित्तीय संस्थाको शाखा कार्यालय भलवारी रुपन्देहीले सीप विकास तालिम अन्तर्गत सदस्यहरुका लागि व्यावसायिक बंगुर पालन तालिम सञ्चालन गरेको छ । सदस्यको क्षमता अभिवृद्धी गर्ने उदेश्यले देवदह नगरपालिका १० चरंगे रुपन्देहीमा २१ जना ग्राहक सदस्यहरुलाई उक्त तालिम प्रदान गरिएको हो ।

व्यावसायिक बंगुरपालन तालिमको प्रशिक्षण जेटी, जेटीए प्रतीक भण्डारीले दिएका थिए । शाखा प्रबन्धक सुवास पोखरेलको अध्यक्षतामा सम्पन्न तालिम कार्यक्रममा अनुगमन कार्यालय भुमहीका अनुगमन अधिकृत मदन घिमिरेको प्रमुख आतिथ्यता थियो । कार्यक्रमको सहजीकरण संगीता पौडेल आचार्यले गरेकी थिइन् । तालिम १ दिन चलेको थियो ।