पोखरा ।
विन्ध्येश्वरी आदर्श बोर्डिङ स्कुलमा रहेको रेडक्रस सर्कलले मृगौला प्रत्यारोपण गर्न २८ हजार रुपैयाँ सहयोग गरेको छ । आर्थिक अवस्था ज्यादै नै न्यून भएका गोरखा जिल्ला, पालुङ्गटार—४ निवासी सञ्जीव श्रेष्ठलाई सर्कलले उक्त सहयोग गरेको हो । सञ्जीवले ५ वर्षदेखि मृगौला डायलसिस गराउँदै आएका छन् ।

डाक्टरको सल्लाह बमोजिम मृगौला प्रत्यारोण गर्नुपर्ने भएकाले उनको परिवारको अपिल बमोजिम सहयोग गरिएको सर्कलका शिक्षक नायक राजु बयालकोटी र युवराज रौनियारले जानकारी गराए । उक्त रकम सर्कलका संरक्षक तथा विद्यालय प्राचार्य कृष्णकुमार श्रेष्ठले पीडितलाई हस्तान्तरण गरे ।