पोखरा ।
कास्कीको अन्नपूर्ण गाउँपालिका ४ थमाकोडाँडामा आइतबार दिउँसो जिप दुर्घटना भएको छ । दुर्घटनामा १२ यात्रु मध्ये दुई जनाको मृत्यु भएको जिल्ला प्रहरी कार्यालय कास्कीले जनाउको छ । पोखराबाट भदौरे जाँदै गरेको ग १ ज ४५४७ नम्बरको जिप सल्लाघारीमा सडकबाट करिब दुई सय ५० मिटर तल खसेको छ । घाइतेलाई मणिपाल शिक्षण अस्पतालमा उपचारको क्रममा मृत्यु भएको प्रहरीले जनाएको हो ।
जिल्ला प्रहरी कार्यालय कास्कीका प्रहरी निरीक्षक सूर्यबहादुर रानाले घाइतेलाई उद्धार गरी अस्पतालमा ल्याइएको जानकारी दिए । घाइतेको परिचय खुल्ने क्रममा रहेको जनाएका छन् । अन्नपूर्ण –४ का वडाध्यक्ष आइन्दल गुरुङले सबै घाइतेलाई अस्पताल पठाइसकिएको बताए ।