पोखरा ।
वायुमण्डलको अवस्था अनुकुल बन्न नसकेपछि शनिबार पोखरा अन्तर्राष्ट्रिय विमानस्थलबाट उडान हुन सकेन । विमानस्थलबाट उडानमात्र होइन, अन्यत्रबाट पनि पोखरा जहाज आउन सकेन । वायुप्रदूषणको दर ह्वात्तै बढ्दा पोखरा अन्तर्राष्ट्रिय विमानस्थल शनिबार बन्दै गर्नुपरेको थियो । आइतबार दिउँसोदेखि मौसम अनुकुल हुँदै गएपछि विमानस्थल खुलेको छ । काठमाडौंबाट उडेको वुद्ध एयरलायन्सको विमान दिउँसो साढे २ बजे पोखरा सफल अवतरण गरेको हो ।

यद्यपि शनिबार पोखरा विमानस्थलमा विमान अवतरण र उडान भर्न सकेनन् । एक हजार मिटर मात्र भिजिविलिटी हुँदा विमानस्थल बन्द गर्नुपरेको थियो । जबकी पोखराबाट उडान भर्ना १८ सय किलोमिटर भिजिविलिटी आवश्यक पर्छ भने अवतरण गर्न ३७ सय मिटर भिजिविलीटी आवश्यक पर्छ । शनिबारको भन्दा आइतबारको मौसम सफा भएपछि विमानस्थल सफल अवतरण गरेको हो ।

आइतबार दिउँसो २ बजे अन्तर्राष्ट्रिय विमानस्थलको भिजिविलिटी ५ हजार मिटर छ । ३ दिनदेखि पोखरा अन्तर्राष्ट्रिय विमानस्थलमा भिजिविलिटी नपुग्दा उडानहरु अवरुद्ध हुँदै आएका थिए । शुक्रबार ३० उडान अवरुद्ध भएकोमा शनिबार विमानस्थल बन्द नै गर्नुप¥यो ।

आइतबार बिहानै पनि ‘भिजिबिलिटी’ कम हुँदा कुनै पनि एयरलायन्सले उडान भर्न सकेका थिएनन् । तर, दिउँसो पोखराको मौसम खुल्दै गएको छ । प्रदूषणको मात्र पनि घट्दै गएको तथ्यांकले देखाएको छ । जसका कारण एयरलायन्सहरुले अब रोकिएका उडान नियमित हुने जनाएका छन् । पोखरा अन्तर्राष्ट्रिय विमानबाट दैनिक विभिन्न एयरलायन्सका ३३ वटा उडान हुँदै आएको छ । जसमध्ये वुद्धको २०, यति एयरलायन्सको १० र श्री एयरलायन्सको ३ वटा उडान हुन्छ ।