पोखरा ।
पोखरा १ हरिचोकमा रहेको राष्ट्रियमा माध्यमिक विद्यालयमा दौड प्रतियोगिता हुने भएको छ । हीरक महोत्सवको अवसरमा वैशाख २९ गते ५ किलोमिटर दौड प्रतियोगिता हुन लागेको हो ।

२००६ सालमा स्थापना भएको विद्यालयको हीरक महोत्सवका अवसरमा विविध खेलकुद कार्यक्रमहरू आयोजना गरिएको विद्यालयले बताएको छ ।

विद्यालयका अनुसार छात्र/छात्रा सडक दौड प्रतियोगिता बिहान ६ः३० बजेदेखि सुरु हुनेछ । प्रतियोगितामा कक्षा १० सम्म का विद्यार्थी मात्र सहभागी हुन पाउनेछन् । विद्यालयकाे खेल मैदानबाट सुरु भएर हरिचाेक हुँदै विन्धवासिनी मन्दिर, मन्दिरबाट बागलुङ बसपार्क, भिमसेन मन्दिर चाेक, कन्या क्यामपस, बाल मन्दिर चाेक, पिएन क्याम्पस, भिमकालिन चाेक, वडा नम्बर १ वडा कार्यालय र सिमपानी हुँदै विद्यालयमा आएर टुंगिने छ ।

दर्ता गर्न विद्यालयको सिफारिस पत्र वा विद्यार्थी परिचयपत्र अनिवार्य देखाउनुपर्ने तथा दर्ता २७ गते सम्म गर्न सकिने विद्यालयले बताएको छ । इमेल मार्फत पनि नाम दर्ता गर्न सकिने छ । इमेल आइडि poudeldip20@gmail.com ।

प्रतियोगिता विद्यालयको खेलमैदानमा हुनेछ । त्यस्तै विद्यालय स्तरिय छात्र/छात्र छेलो (ठेलो) प्रतियोगिता र जिल्ला स्तरिय छात्र/छात्रा भलिबल प्रतियोगिता असोजमा हुनेछ ।