लेखनाथ ।
पोखरा महानगरपालिका वडा नम्बर २७ लाई पूर्ण खोप वडा घोषणा गरिएको छ । वडाका सबै बालबालिकालाई पूर्ण खोपका मात्र प्रदान गरिएको तथ्याङ प्रस्तुत गरी आइतबार पूर्ण खोपको प्रमाणपत्र प्रदान गरिएको हो ।

वडाभित्रका ५ सय ८७ जना बालबालिकालाई १३ प्रकारका खोप दिइएको वडाध्यक्ष पुर्णकुमार गुरुङले जानकारी दिए ।

वडाध्यक्ष गुरुङले बालबालिकाको मृत्युदर घटाउन र बच्चालाई कसरी निरोगी बनाउन सकिन्छ भन्ने बारेमा वडा चिन्तनशिल रहेका बताउँदै सबैको साथ र सहयोगको आवश्यकता रहेको बताए ।

पोखरा महानगरपालिका स्वास्थ्य महाशाखाका स्वास्थ्य अधिकृत हरिलाल आचार्यले वडाध्यक्ष गुरुङलाई प्रमाणपत्र प्रदान गर्दै बालबालिकाको स्वास्थ्यलाई ख्यालमा राखेर रोग लाग्नुपूर्व नै होशियारी अपनाउन आग्रह गरे ।

कार्यक्रममा स्वाथ्यचौकीकी प्रमुख रीता बास्तोला र स्वाथ्यकर्मी सविना बस्ताकोटीले बच्चासहित आमाको स्वास्थ्यलाई पनि ख्याल गर्दै घर घरमा पुगेर स्वास्थ्य परामर्श र खोप लगाएको बताए ।