पोखरा ।
फेवातालमा जलकुम्भी झार फैलिएपछि आइतबार सरसफाई गरिएको छ । वातावरण संरक्षणका लागि महाअभियान कास्कीको आयोजनामा “वातावरण एवं सम्पदा संरक्षणमा नागरिक खबरादारी“ भन्ने मुल नाराका साथ सरसफाई गरिएको हो ।

नागरिक महाअभियान कास्कीका संयोजक रामबहादुर पौडेलको अध्यक्षतामा र सशस्त्र प्रहरी बल नं.२४ कालिका गण हे.क्वा कास्कीका गणपति एसपी अरुण पौडेल शर्माको प्रमुख आतिथ्यतामा कार्यक्रम भएको हो ।

सशस्त्र प्रहरी, नेपाली सेना, पोखरा महानगर प्रहरी, स्थानीय आमा समुह, नागरिक समाज, पर्यटन व्यवसायी, विभिन्न संघसंस्थाको सहकार्यमा सरसफाई गरिएको पोखरा ६ का वडाध्यक्ष विष्णुबहादुर भट्टराईले जानकारी दिए ।

सोमबारदेखि जलारी समुदायले ज्याला सहित जलकुम्भी सरसफाइ अभियानलाई निरन्तरता दिने वडाध्यक्ष भट्टराईले बताए ।