काठमाडौं ।

गण्डकी प्रदेशका प्रदेश प्रमुख, मुख्यमन्त्री र सभामुखविरुद्धको रिट आज बुधबार पनि ‘हेर्दा हेर्दै’मा परेको छ । सुनुवाइ नसकिएपछि मंगलबार हेर्दा हेदैमा परेको थियो । निरन्तर सुनुवाइका लागि पेसी तोकिएकोमा बुधबार पनि न्यायाधीश रेग्मी र पोखरेलको इजलासमा सुनुवाइ नटुंगिएपछि फेरि हेर्दा हेर्दैमा राखिएको हो ।

अब गण्डकी प्रदेशको मुद्दा सर्वोच्च अदालतको यही इजलासले टुंग्याउने छ । साेमबारलाइ फेरि सुनुवाइको पालो परेको छ ।

नेपाली कांग्रेस संसदीय दलका नेता तथा पूर्वमुख्यमन्त्री सुरेन्द्रराज पाण्डेले दायर गरेको रिट मंगलबार न्यायाधीशद्वय कुमार रेग्मी र सुनिलकुमार पोखरेलको इजलासमा परेको थियो ।

यसअघि वैशाख २८ मा न्यायाधीश अब्दुल अजीज मुसलमानको एकल इजलासले अल्पकालीन अन्तरिम आदेश दिएको थियो। अल्पकालीन आदेशमा दीर्घकालीन असर पर्ने निर्णय नगर्न भनिएको थियो।
६० सांसद रहेको गण्डकी प्रदेश सभामा ३१ जनाकै बहुमतबाट मात्रै विश्वासको मत लिइनुपर्ने पूर्वमुख्यमन्त्री पाण्डेले गरेका छन् ।