पोखरा ।

राष्ट्रिय प्रजातन्त्र पार्टी गण्डकी प्रदेशमा भर्खरै बनेको सुरेन्द्रराज पाण्डे नेतृत्वको सरकारमा पनि सहभागी नहुने भएको छ ।

एमाले संसदीय दलका नेता खगराज अधिकारी नेतृत्वको सरकारमा सहभागी नभएका कारण अधिकारी सरकार ढलेर कांग्रेस संसदीय दलका नेता पाण्डेले धारा १६८ को उपधारा ३ बमोजिम संसदको सबै भन्दा ठुलो दलको हैसियतमा मुख्यमन्त्री नियुक्त भएका छन् ।

स्रोतका अनुसार नवनियुक्त मुख्यमन्त्री पाण्डेले राप्रपाका संसदीय दलका नेता पञ्चराम गुरुङलाई उर्जा मन्त्री बन्न प्रस्ताव गरेका थिए । तर राप्रपाको केन्द्रीय नेतृत्व तत्काल सरकारमा जान तयार भएन । यसको पुष्टी राप्रपाका केन्द्रीय प्रवक्ता मोहन श्रेष्ठले गरे ।

कांग्रेसको नेतृत्वमा बनेकाे गण्डकी प्रदेशको सरकारमा पनि हामी सहभागी हुँदैनौं– प्रवक्ता श्रेष्ठले समाधानसँग भने । तर मुख्यमन्त्री पाण्डेले विश्वासको मत पाउने आधार बनेमा विश्वासको मत दिन भने सक्ने उनले बताए ।