पोखरा ।

नेकपा एमाले पोखरा महानगर कमिटीमा जीवनप्रसाद आचार्य विजयी भएका छन् । उनले दिपक पौडेललाई पराजित गरेका हुन् ।

उनले २ सय ७७ मत प्राप्त गरे भने पौडेलले २ सय १० मत पाए ।

बिहान ८ बजेपछि सुरु भएको मतदान साढे १२ बजेतिर सकिएको थियो । मतदानका लागि २४ वटा विद्युतीय मतदान मेसिन राखिएको थियो ।

४ सय ९८ मतदाता रहेका ४ सय ८८ मत खसेको निर्वाचन समितले जनाएको छ ।

महानगरमा हुने १ सय १ पदमध्ये निर्वाचन हुने ८७ मध्ये २२ जना सदस्य निर्विरोध भइसकेका छन् ।