पोखरा ।

पोखरामा पार्किङ गरेर राखेको मोटरसाइकल चोरी गरेको आरोपमा एक जनालाई प्रहरीले पक्राउ गरेको छ । वडा प्रहरी कार्यालय रामबजारबाट खटिएको प्रहरीको टोलीले सुवास तामाङलाई पक्राउ गरेको हाे ।

पोखरा महानगरपालिका–१४ सितलटोलमा पार्किङ गरेर राखेको ग १५ प ३१९ नम्बरको मोटरसाइकल चोरी गरेको आरोपमा तामाङलाई पक्राउ गरिएकाे जिल्ला प्रहरी कार्यालय कास्कीले जनाएको छ ।

प्रहरीलका अनुसार उनले नक्कली चावी प्रयोग गरेर पार्किङमा रोकी राखेको मोटरसाइकलमा चोरी गरेका थिए ।

जिल्ला अदालत कास्कीबाट चोरी तथा डाँका सम्बन्धी कसुरमा ७ दिनको म्याद थप गरेर अनुसन्धान अगाडि बढाएको कास्की प्रहरीले जनाएको छ ।