पोखरा ।

पोखरा फेवातालमा जेठ ३१ गते फेवा डुंगा दौड प्रतियोगिता हुने भएको छ । फेवा डुंगा व्यवसायीको आयोजनामा प्रतियोगिता हुन लागेको हो ।

फेवा डुंगा व्यवसायी संगठनको स्थापना दिवसका अवसरमा पोखराको पर्यटन पर्वद्धन गर्ने उदेश्यले प्रतियोगिता आयोजना गरिएको आयोजकले बताएको छ ।

प्रतियोगितामा सहभागी हुन टीममा ३ जना हुनु पर्नेछ । पुरुषतर्फ २१ सय मिटर र महिलातर्फ १५ सय मिटर दौड हुने संगठनका अध्यक्ष बुद्धि बहादुर नेपालीले बताए । प्रतियोगितामा ४० टीम सहभागि हुने अनुमान रहेको उनको भनाइ छ ।

पुरुषतर्फ क्रमशः प्रथम, द्धितिय र तृतिय हुनेले ३० हजार, २० हजार र १० हजार र प्रमाणपत्र प्राप्त गर्नेछन । त्यस्तै महिलातर्फ क्रमशः प्रथम, दोस्रो र तेस्रो पुरस्कार २० हजार, १५ हजार र १० हजार र प्रमाणपत्र रहेको छ ।

प्रतियोगिताको अनुमानित खर्च २ लाख ४० हजार छ भने दर्ता शुल्क ३ सय छ ।