पोखरा ।
पोखरा १६ लामाचौरमा रहेको पोलीटेक्निक इन्स्टिच्युटको होस्टेल भवन बिहीबार राती भासिएको छ । अविरल वर्षाका कारण नालीको पानी लिक भएर होस्टलको बाँया र अगाडी पट्टी भासिँदा पूर्ण रूपमा क्षति भएको हो ।

लामाचौरका ५९ वर्षीय डम बहादुर गुरुङले संचालन गरेको व्लकले बनेको टिनले छाएको १ तले होस्टल भवन भासिएको जिल्ला प्रहरी कार्यालय कास्कीले जनाएको छ । मानवीय क्षति नभए पनि होस्टेलको भान्सातर्फको भागमा क्षति पुगेको प्रहरीले बताएकाे छ ।

प्रहरीकाअनुसार लगातार वर्षा भए थप क्षति हुने भएकोले स्थानीयको सहयोगमा भान्साघर भएको ठाउँ खाली गराउन लागिएको छ।

होस्टेलमा ४० जना विद्यार्थी बस्छन्।