पोखरा ।
मौसम पूर्वानुमान महाशाखाले सोमबारदेखि वर्षाको मात्रा क्रमशः कम हुँदै जाने सम्भावना देखिएको जनाएको छ ।

नेपालनजिक रहेको मनसुनको न्यून चापीय रेखा आजदेखि क्रमिक रूपमा दक्षिणतिर सर्दै जाने भएकाले वर्षाको मात्रा कमी आउने सम्भावना देखिएको बताएको हो ।

तर अझै केही दिन कोसी र गण्डकी प्रदेशका अधिकांश स्थानमा हल्कादेखि मध्यमसम्म तथा यिनै प्रदेशका थोरै स्थानमा भारी वर्षा पनि जारी रहने सम्भावना रहेको महाशाखाले जनाएको छ ।

साथै मधेस प्रदेश, बागमती प्रदेश, लुम्बिनी प्रदेश, कर्णाली प्रदेश तथा सुदूरपश्चिम प्रदेशका केही स्थानमा हल्कादेखि मध्यमसम्म वर्षा जारी रहने सम्भावना छ ।

महाशाखाले अगाडि भनेको छ, ‘तसर्थ वर्षाको कारण जनजीवन प्रभावित हुन सक्ने भएकाले सतर्कता तथा पूर्वतयारी अपनाउन हुन आग्रह गरेको छ ।