पोखरा ।
दर्शन बचत तथा ऋण सहकारीका आयोजनामा सहकारी सम्बन्धी अभिमुखिकरण भएको छ ।

सहकारीको बारेमा जानकारी दिने उद्देश्यले कार्यक्रम आयोजना गरिएको सहकारीका अध्यक्ष राजाराम शाहीले बताए ।

कार्यक्रममा प्रशिक्षक भेषराज बरालले सहकारी सबैको आवश्यकता भएको बताउँदै सहकारीको अवधारणा सम्बन्धी जानकारी दिए ।

बरालले सहकारीको सञ्चालक समिति, लेखा तथा सुपरिवेक्षण समिति, ऋण तथा लगानी समितिका काम, कर्तव्य तथा सहकारी ऐनका बारेमा प्रष्ट पारे ।

कार्यक्रममा नेपाल ठकुरी संगम परिवार कास्कीका अध्यक्ष शेरबहादुर उच्चै, नेपाल ठकुरी महिला संघका अध्यक्ष सरस्वती हमाल, नेपाल ठकुरी भुपु परिवार कास्कीका अध्यक्ष फमसिंह, नेपाल ठकुरी युवा परिवार कास्कीका सचिव मोहन शाही, सहकारीका सञ्चालक समिति, लेखा तथा सुपरिवेक्षण समिति, ऋण तथा लगानी समिति लगाएतको उपस्थिति थियो ।