पाेखरा ।

कास्कीको पोखरा महानगरपालिका वडा नम्बर २७ मा सुतिरहेका बेला घरमाथि पहिरो खस्दा एक जनाको मृत्यु भएको छ । पोखरा–२७ को सहेलपाटा भन्नेमा घरमा पहिरो खस्दा पुरिएर २२ वर्षीय भीमबहादुर थापाको मृत्यु भएको हो ।

जिल्ला प्रहरी कार्यालय कास्कीका प्रवक्ता डीएसपी वसन्तकुमार शर्माका अनुसार बुधबार बिहान ४ बजेतिर स्थानीय ५१ वर्षीय मनबहादुर थापाको कच्ची घर माथिबाट खसेको पहिरोमा परी भीमबहादुको मृत्यु भएको हो । एउटै घरमा सुतिरहेकी आमा ५० वर्षीया कमला थापाको भने सकुशल उद्धार गरिएको डीएसपी शर्माले बताए ।