पोखरा ।
अन्तर्राष्ट्रिय मानवअधिकारवादी संस्था एम्नेस्टी इन्टरनेसनल समूह ५४ को २३ औं वार्षिक साधारण सभा भएको छ । कार्यक्रममा एम्नेस्टी इन्टरनेसनल समूह ५४ को पूर्व संयोजक कोमलनाथ कुँवरले मानवअधिकारको वकालत गर्ने गरी एम्नेस्टी इन्टरनेसनलको स्थापना भएको बताउँदै यो अभियानलाई व्यापक बनाई मानवअधिकार संरक्षण नयाँ उचाईमा पुर्‍याउनुपर्नेमा जोड दिए ।

एम्नेष्टी इन्टरनेसनल समूह ५४ को पूर्व संयोजक नवीनराज बरालले मानव अधिकारका क्षेत्रमा प्रभावकारी भूमिका खेल्ने विश्वास व्यक्त गरे ।

कार्यक्रम संयोजक सुरेन्द्र परियारको अध्यक्षतामा भएको कार्यक्रममा कार्यक्रममा पूर्व संयोजकहरु अनन्त कोइराला र भानु पराजुली, समूह ८२ का संयोजक नरेश बराल, सहसंयोजकमा विष्णुहरि पन्थीले र सचिव मीना रानाभाटले बोलेका थिए ।