पोखरा ।
पोखरा उद्योग वाणिज्य संघको अध्यक्ष पदमा वरिष्ठ उपाध्यक्ष गोकर्ण कार्की र अर्जुन पोखरेलले उम्मेदवारी दर्ता गराएका छन् । भदौ २८ र २९ गते हुन लागेको पोखरा उद्योग वाणिज्य संघको ३५ औं महाधिवशनमा उनीहरुले उम्मदेवारी दर्ता गराएका हुन् ।

निर्वाचन समिति संयोजक कृष्णमोहन श्रेष्ठका अनुसार अध्यक्षका लागि कार्की र पोखरेलले उम्मेदवारी दर्ता गराएका हुन् ।
वरिष्ठ उपाध्यक्ष, उद्योग उपाध्यक्ष, महासचिव र कोषाध्यक्षमा एक–एक जनाको मात्र उम्मेदवारी परेको छ ।

वरिष्ठ उपाध्यक्षमा उत्तममान बुद्धाचार्य, उद्योग उपाध्यक्षमा दिनेश बास्तोला, महासचिवमा शोभा गौतम र कोषाध्यक्षमा मनोजकुमार श्रेष्ठले उम्मेदवारी दिए । उनीहरुका प्रतिस्पर्धी छैनन् । तर निर्वाचन तालिका अनुसार दाबीविरोधको समय बाँकी नै छ । तसर्थ निर्वाचन समितिले निर्विरोध भनेर आधिकारिक घोषणा गर्न बाँकी छ ।

वाणिज्य उपाध्यक्षमा बलराम आचार्य र रामेश्वर अधिकारीले उम्मेदवारी दर्ता छन् । उपमहासचिवमा बालकृष्ण कोइराला र सुदीप प्रधानाङ्गले उम्मेदवारी दिएका छन् । कर्पोरेटतर्फका २ जना कार्यसमिति सदस्य वन्दना कार्की केसी र रामप्रसाद कँडेलको उम्मेदवारी परेको छ ।

एक औद्योगिक सदस्यमा पनि एकनारायण गौतमको उम्मेदवारी परेको छ । ४ जना वस्तुगत सदस्यको लागि भने ७ जना प्रतिस्पर्धी हुने भएका छन् । वस्तुगतका लागि दुर्गा बराल, नवीन नापित, पूर्णशोभा गुरुङ, पृथ्वीराज तिमिल्सिना, सूर्यराज घिमिरे (सुरेश), दीपेन्द्र कोइराला र लालप्रसाद ढकालले उम्मेदवारी दिएका छन् ।

प्रत्यक्ष निर्वाचित हुने १० जना कार्यसमिति सदस्यका लागि १४ जनाले चाहना राखेका छन् । कार्यसमिति सदस्यका निम्ति देवेन्द्र प्रजु, टीकाराम सुवेदी(माधव), ललितजंग कुँवर, भीम गौतम, प्रेमप्रसाद सुवेदी, सौगात थापा, यादवप्रसाद पोखरेल, जीवनप्रकाश श्रेष्ठ, दूधमान गुरुङ (आशीष), लेखनाथ सुवेदी, रामचन्द्र तिमिल्सिना, विष्णुप्रसाद तिमिल्सिन, विनोद केसी र प्रदीपराज राजभण्डारीले मनोनयन पत्र लगेका हुन् ।

निर्वाचन कार्यक्रम अनुसार सोमबार दाबी विरोध प्रस्तुत गर्ने र भदौ १८ गते उम्मेदवारको अन्तिम नामावली प्रकाशन हुनेछ । सोही दिन उम्मेवारी फिर्ता लिने र साँझ ५ बजे अन्तिम नामावली प्रकाशनको कार्यक्रम तय छ ।