लेखनाथ ।

आदिवासी समुदायमा सूचीकृत कुमाल जातिको संस्कृति झल्कने गरी पोखरा २७ को रिठेपानीमा संग्रालय निर्माण गरिएको छ । नेपाल कुमाल समाज कास्कीले पोखरा २७ को कुमालगाउँमा करिब २५ लाख खर्चेर संग्रालय बनाएको हो ।

संग्रहालय गण्डकी प्रदेशका निवर्तमान मुख्यमन्त्री खगराज अधिकारीले उद्घाटन गरे । उनले मौलिक संस्कृतिको संरक्षणसँगसँगै हस्तान्तरण गर्न संग्रहालय उपयोगी हुने बताए ।

नेपाल कुमाल समाज कास्की अध्यक्ष चेतबहादुर कुमालको अध्यक्षतामा भएको कार्यक्रममा नेपाल कुमाल समाजकी केन्द्रीय उपाध्यक्ष श्रुती कुमाल, पोखरा महनागरपालिका वडा नम्बर २७ का वडाअध्यक्ष पुर्ण कुमार गुरुङ, केन्द्रीय उपाध्यक्ष मानेन्द्र कुमाल, वडा नम्बर २७ का वडासदस्य जितेन्द्र क्षेत्री र बुद्धिमाया थापा मगर, राइजिङ स्टार क्लवका अध्यक्ष यम गुरुङ लगायतले बोलेका थिए ।