पोखरा ।

पाेखरामा लागूऔषधसहित तीन जना पक्राउ परेका छन् । जिल्ला प्रहरी कार्यालय कास्कीले शनिबार दिउँसो सराङकोटबाट दुई जना र अन्नपूर्ण गाउँपालिका २ नयाँपुलबाट एक जनालाई पक्राउ गरेको हो ।

सराङकोटका स्थानीय होटल सञ्चालक ३५ वर्षीय मनिष श्रेष्ठ, म्याग्दीका २३ वर्षीय अजय पुन छन् सराङकोटबाट र नयाँपुलबाट कुश्मा अर्मादीका २२ वर्षीय बिशाल राई पक्राउ परेका हुन् ।

श्रेष्ठले लुकाईछिपाई राखेको अवस्थामा लागूऔषध गाँजाको धुलो (पोल्याण्ड) दुई केजी सात सय २५ ग्राम बरामद भएको कास्की प्रहरी प्रवक्ता डीएसपी बसन्तकुमार शर्माले जानकारी दिए ।

प्रहरीका अनुसार राईको साथबाट लागूऔषध ट्रमाडोल हाइड्रोक्लोराइड क्याप्सुल ५० एमजी अपिडोल नामक एक सय चक्की, सोही नामको लागूऔषध एक सय १० चक्की गरी दुई सय १० चक्की लागूऔषध बरामद भएको छ ।

पक्राउ परेका तीनै जनाविरुद्ध जिल्ला अदालतबाट लागूऔषधसम्बन्धी मुद्दामा पाँच दिन म्याद लिएर अनुसन्धान गरिरहेको प्रहरीले जनाएकाे छ ।