पोखरा ।

पोखरा-दिल्ली-पोखरा सिधा बस सेवा सञ्चालन भएको १९ वर्ष पुगेको छ । पोखराको माेर्डन इरा टुर्स एण्ड ट्राभलले १९ वर्ष अघि असौज १५ गतेदेखि पोखराबाट भारतको दिल्लीका पहिलो सेवा सुरु गरेको थियो जो सेवा आज प्रयन्त चलिरहेको छ ।

पोखराका व्यवसायी केशव प्रसाद अधिकारीको नेतृत्वमा युवा व्यवसायीहरुको सम्युक्त प्रयासमा पोखरादेखि दिल्लीसम्म सिधा बस सेवा सञ्चालन भएको हो । यही कम्पनीले २०१६ सालदेखि नेपाल भारत मैत्री बस सेवाका रुपमा हरेक दिन पोखरा र दिल्लीबाट बस सञ्चालन गरिरहेको छ ।

बस सेवा सञ्चालनको १९ वर्ष पुगेको अवसरमा मंगलबार पोखरामा एक कार्यक्रमको आयोजना गरियो । सो अवसरमा बोल्दै पृथ्विराज मार्ग बस सञ्चालक कम्पनीका अध्यक्ष योगेन्द्र केसीले नीजि क्षेत्रले देशको यातायात सेवाको उत्थानका लागि अरबौं लगानी गरेको भए पनि राज्यले सुविधा नदिएको गुनासो गरे ।

कार्यक्रममा मोर्डन इरा टुर्स एण्ड ट्राभलका अध्यय केशप्रसाद अधिकारीले पोखरादेखि दिल्लीसम्म सिधा बस सेवा सञ्चालन गरेर पोखराको पर्यटन उद्योगमा योगदान गर्न पाएकोमा खुशी व्यक्त गरे । उनले लगानीकर्ताहरुलाई दुख र लगानी अनुसारको नाफा दिन नसके पनि देशको नाम राख्ने गरी सेवा प्रवाह गरकामा आनन्दको महसुस हुने बताए ।

कार्यक्रममा धवलागिरी बस व्यवसायी समितिका अध्यक्ष उमेश श्रेष्ठ पोखरा उद्योग बाणिज्य संघका पूर्व अध्यक्ष दामोदर अधिकारी लगायतले मनतव्य राखेका थिए ।

मोर्डन इराले पोखराको जिरो किलोमिटर र दिल्लीको जाहागिरपुरीबाट हरेक दिन बस छुटाउछ ।