पोखरा।

नेपाल राष्ट्र बैंक कर्मचारी संघ पोखरा समितिद्वारा आयोजित गण्डकी प्रदेशस्तरीय अन्तरबैंक फुटसल टुर्नामेन्टको पाँचौँ संस्करण पोखरामा सम्पन्न भएको छ। गण्डकी प्रदेशमा रहेका विभिन्न बैंकमा कार्यरत कर्मचारीबीच भएको खेलमा पुरुषतर्फ ३० र महिला तर्फ १७ टिमको सहभागिता थियो ।

पुरुषतर्फको फुटसलको उपाधी एभरेष्ट बैंकले जितेको छ । उपाधीका लागि कृषि विकास बैंकसँग भिडेको एभरेष्ट टाइब्रेकमा उपाधी माथ कब्जा जमाएको हो ।

निर्धारित समयमा समय १-१ काे बराबरीमा सकिएपछि खेल टाइब्रेकमा गएको थियो ।

त्यसै गरी महिला टिम तर्फको उपाधी भने राष्ट्र बैंकले जितेको छ । उपाधीका लागि नाबिलसँग भिडेको राष्ट्र बैंकको टिमले १-० गोल अन्तरले जित हात पार्दै उपाधी आफ्नो पोल्टामा पारेको थियो ।

प्रतियोगितामा महिला तर्फ उत्कृष्ट खेलाडी मनिषा कुँवर (नेपाल राष्ट्र बैंक) • सर्वाधिक गोलकर्ता: बिनिता पराजुली (नेपाल राष्ट्र बैंक) • उत्कृष्ट गोलरक्षक कुसुम सारु मगर (नविल बैंक) ले पुरस्कार पाए भने पुरुष तर्फ उत्कृष्ट खेलाडी जिवराज बम (कृषि विकास बैंक), सर्वाधिक गोलकर्ता सुरेश थापा (गरिमा विकास बैंक) र उत्कृष्ट गोलरक्षक: सुवास काफ्ले (एभरेष्ट बैंक) भएका थिए ।