सहकारी ठगी प्रकरणमा पक्राउ परेका राष्ट्रिय स्वतन्त्र पार्टीका सभापति रवि लामिछानेलाई थप २५ दिन हिरासतमा राखेर अनुसन्धान गर्ने कास्की प्रहरीले अदालतसँग अनुमति मागेको छ ।

कात्तिक २ गते काठमाडौंमा पक्राउ परी पोखरा ल्याइएका रविलाई हिरासतमा राख्न अदालतले दोस्रोपटक ७ दिनलाई दिएको म्याद कात्तिक १४ गते सकिएको थियो । त्यसपछि तिहार विदा परेकाले उनी हिरासतमै थिए । बिदा सकिएको पहिलो दिन मंगलबार रविलाई कास्की प्रहरीले अदालत पेस गरिसकेको छ । म्याद थप सम्बन्धी बहस अहिले सकिएको छ । न्यायाधीश चन्द्रकान्त पौडेलको इजलासमा बहस भएको हो ।

अबको केही बेरमा रविलाई थप हिरासतमा राख्ने वा छोड्ने भन्नेबारे अदालतले आदेश गर्नेछ ।