समाधान संवाददाता

माछापुच्छ«े क्रिकेट क्लबको आयोजनामा फागुन १४ देखि माछापुच्छ«े क्रिकेट लिगको दोस्रो संस्करण सुरु हुँदैछ । यसपटक प्रतियोगितामा विभिन्न ६ वटा फ्रेन्चाइज टिमले सहभागिता जनाउँदै छन् । नदीपुरस्थित प्रदेश सभा भवन पछाडिको क्रिकेट मैदानमा हुने प्रतियोगितामा आरके भिक्टोरियन्स, सिएनडी वारियर्स, पर्वन टाइटान्स, फिस्टेल स्टार्स, लेखनाथ मस्किटर्स र राइजिङ लायन्स उपाधिका लागि एकापसमा भीड्नेछन् ।

बुधबार स्काई स्पोर्टस् र आयोजकबीच मुख्य प्रायोजनको सम्झौता भएको छ । स्काइ स्पोर्टस्का प्रतिनिधि प्रज्वल विष्ट र आयोजक क्लबका अध्यक्ष दिपेश खत्रीले पत्रकार सम्मेलनमार्फत सम्झौताबारे जानकारी गराएका हुन् । सम्झौता बमोजित स्काइ स्पोर्टसले २० लाख बराबरको प्याकेज प्रदान गर्नेछ ।

प्रतियोगितामा उत्कृट खेलाडी, बलर, ब्याट्स्म्यान लगायतले स्काइ स्पोर्टसको प्याकेज प्राप्त गर्ने बुधबार आयोजित पत्रकार सम्मेलनमा जानकारी दिइयो । सोही समारोहमा हेल्लो वल्र्ड कर्पोरेसनले ८५ हजार बराबरको वेभसाइट निर्माण गर्ने सम्झौता पनि भएको छ । कर्पोरेशनका क्षेत्रीय प्रमुख विवेक चालिसेले सम्झौता पत्रमा हस्ताक्षर गरे ।

यस पटकको च्याम्पियनले नगद ३ लाख तथा उपविजेताले नगद १ लाख ५० हजारसहित सिल्ड र मेडल प्राप्त गर्ने छन् ।