समाधान संवाददाता, काठमाडाैं

प्रदेश २ मा एसईई परीक्षाअघि नै प्रश्नपत्र बाहिरिएपछि माध्यमिक शिक्षा परीक्षा अन्तर्गत बिहीबार हुने विज्ञान विषयको परीक्षा रद्द गरिएको छ ।

बुधबार राति ११ बजेतिर भाइबर, इमो, ह्वाट्सएप आदि सामाजिक संजालबाट प्रश्नपत्र बाहिरिएपछि परीक्षा रद्द गरिएको प्रदेश २ का शिक्षा निर्देशक रमाकान्त शर्माले जानकारी दिए । ‘प्रदेश २ भरी नै विज्ञान विषयको परीक्षा रद्द हुन्छ’ उनले भने ।

बुधबार राति सप्तरी जिल्लाबाट प्रश्नपत्र बाहिरिएको थियो । बिहीबार परीक्षा भएपछि जिल्ल परीक्षा समन्वय समितिले जिल्लाको परीक्षा रद्द गर्ने निर्णय गरेको थियो । रद्द भएको परीक्षा चैत २२ गते गरिने उनले बताए ।

प्रदेशभरी नै एउटै प्रश्नपत्र हुने भएकाले प्रदेश २ का सप्तरी, सिरहा, धनुषा, महोत्तरी, बारा, पर्सा, रौतहट र सर्लाही जिल्लाकै विज्ञान विषयको परीक्षा रद्द गरिएको हो ।