सुन्दरकुमार थकाली, मुस्ताङ

मुस्ताङको लो–घेकर दामोदरकुण्ड गाउपालिका ३ घिलिङ गाउँको एक घरमा गएराति साझ साढे ६ बजे आगोलागी भएको छ ।

स्थानीय लोप्साङ गुरुङको घरमा अकस्मात आगोलागी हुदा दुईतले माटोले निर्मित घर पूर्ण रुपमा क्षति भएको हो ।घर जलेर नष्ट भएसंगै घरमा रहेको करिव ३ लाख बराबरको भौतिक संम्पती नष्ट भएको प्रहरी हवल्दार होमबहादुर थापाले जानकारी दिए।

आगोलागी भएको घटना थाहा पाएपछि गाउका स्थानीयबासी आगो नियन्त्रणका लागि जुटेका थिए ।घिलिङ ३ का वडाअध्यक्ष सम्तेनधावा गुरुङले गाउले सक्रियतामा ३ घण्टापछि आगो नियन्त्रणमा आएको जानकारी दिए ।उनका अनुसार आगोलागीबाट भौतिक संम्पति बाहेक मानविय क्षति नभएको बताए ।

प्रहरीका अनुसार आगोलागी पीडित लोप्साङको घरमा रहेका सोलार प्यानल,चाईनिज चुल्हो,काठको ढोका र सिढीं,भाडा वर्तन,लत्ताकपडा,फर्निचर,घरको काठ र घरमा प्रयोग गरिएको २ वटा गलैचा जलेर नष्ट भएको हो ।घटनापछि प्रहरीले क्षति विवरणको समेत मुचुल्का उठाई सकेको छ ।