समाधान संवाददाता, तनहुँ

ब्यास नगरपालिका-३ भतेरिचोक स्थित पृथ्वी राजमार्गमा चापाघाटबाट दमौली तर्फ आउँदै गरेको ग ६ प २६७७ नम्बरको मोटरसाईकलले एक पैदल यात्रीलाई ठक्कर दिएकाे छ । ऐ.ऐ.१० कुमालटारी बस्ने वर्ष अन्दाजी ५०/५५ को कृष्ण बहादुर रानालाई ठक्कर दिंदा घाईते भई उपचारको लागि रत्नहरि अस्पताल दमौली ल्याईएकोमा सामान्य उपचार पश्चात  थप उपचारको लागि १०:५० बजे मणिपाल अस्पताल पोखरा पठाईएको छ । उनकाे अवस्था गम्भिर रहेकाे छ । घटनास्थलमा तत्कालै प्रहरी टोली खटिई थप अनुसन्धान भईरहेको छ ।

त्यसैगरी ब्यास नगरपालिका-३ दुर्गा मन्दिर लाइन स्थित पृथ्वी राजमार्गमा दमौलीबाट पोखरा तर्फ जाँदै गरेको ग.१ ख ४७२१ नम्बरको बसमा सोही दिशाबाट जाँदै गरेको बसमा ग.१३ प ४१०० नम्बरको मोटरसाईकलले पछाडीबाट ठक्कर दिदाँ मोटरसाईकल चालक जिल्ला तनहुँ ब्यास नगरपालिका-१ बस्ने वर्ष २४ को सुमन परियार घाइते भई उपचारको लागि रत्नहरी अस्पताल दमौली तर्फ पठाईएको छ । घटनास्थलमा तत्कालै प्रहरी टोली खटिई दुवै सवारी साधन र बस चालकलाई नियन्त्रणमा लिई थप अनुसन्धान भईरहेको छ ।