एजेन्सी

इंग्लिस प्रिमियर लिग फुटबल अन्तर्गत शनिबार राति भएको खेलमा चेल्सी बराबरीमा रोकिएको छ। सिजनको दोस्रो खेलमा चेल्सी वेष्ट ब्रोमसँग ३–३ को बराबरीमा रोकिएको हो ।

पहिलो हाफमा वेष्ट ब्रोमले तीन गोल गर्‍यो । पछि परेको चेल्सीले दोस्रो हाफमा तीन गोल फर्काएको हो । वेष्ट ब्रोमका लागि चौथो र २५ औँ मिनेटमा गरी रोबिन्सनले दुई गोल गरे ।

यस्तै २७ औँ मिनेटमा बार्ट्लीले गोल गरे । दोस्रो हाफमा चेल्सीले गोल फर्कायो । उसका लागि माउन्टले ५५ औँ तथा हड्सन–ओडोइले ७० औँ मिनेटमा गोल गरे ।

यस्तै ट्यामी अब्राहमले इन्जुरी समयको तेस्रो अर्थात ९३ औँ मिनेटमा गोल गरी टिमलाई हारबाट जोगाए।

शनिबार राति नै भएको अर्को खेलमा साउथह्याम्पटनले बर्नलीलाई १–० ले पराजित गरेको छ।