काठमाडौं

विघटित प्रतिनिधिसभाका सदस्य छक्कबहादुर लामाले आफू पुष्पकमल दाहाल प्रचण्ड तथा माधव नेपाल नेतृत्वको नेकपामै भएको बताएका छन्।

उनले आज एक विज्ञप्ति जारी गर्दै आफू केपी शर्मा ओली नेतृत्वको गुटमा नरहेको स्पष्ट पारेका छन्।

हुम्लाका सांसद लामाले ओली नेतृत्वको नेकपाले आफूलाई केन्द्रीय सदस्यमा मनोनित गरेकोमा धन्यवाद दिँदै पद भने अस्वीकार गरेका छन्।

उनले आफूलाई ओली नेतृत्वको केन्द्रीय सदस्यमा मनोनित गरेको प्रति हुम्लाबासीमा भ्रम पर्न गएको भन्दै भ्रममा नपर्न आग्रह गरेका छन्।